ڤەگێران: فورم،گوتار ، سەربۆڕ
د بەردەوامیدانا چالاکیێن خوە یێن زانستی ل پشکا زمانێ کوردی ل کولیژا زمانان ئەڤرو رێکەفتی ٢٧/٤/٢٠٢٦ یەکەیا زمانان بو ڤەکولینێن کوردی ب هەڤکاری ل گەل پشکا زمانێ کوردی دووەمین سەمپوزیووما خوە وەرزێ بوهارێ یا ب ناڤێ (ڤەگێران: فورم،گوتار ، سەربۆڕ) هاتە ئەنجامدان، ب مێهڤاندارییا پەنالیستێن هێژا:
١- چیرۆکنڤیس انور محمد طاهر/ دیتن وسەربۆڕا من دنڤیسینا چیرۆکێدا
٢- د. نفیسة اسماعیل حاجی / گوتارا رەدکرنێ ومیکانیزمێن وێ دڤەگێرانا کوردیدا.
٣- ماموستا عبدالخالق سولطان/ جوداهییا ژانرێن ڤەگێرانێ کورتە چیرۆک وکورتیلە چیرۆک وەک نموونە.
پەنالێ سەمپزیوومێ ژلایێ د. پروین رؤوف هادی هاتە ب رێڤەبرن.
هەرئێک ژ بەرێزان ب بابەتێن جودا جودا وسەرەنجراکێش دەربارە سەربۆڕ و دیتنا خوە دبیاڤێ ڤەگێرانێدا، نەخاسمە ڤەگێرانا کوردی دانە خویاکرن، هەروەسا گوتارا رەدکرنێ چیە؟ و چ میکانیزم ب د ڤەگێرانا کوردیدا ب خوەڤە دگرن؟ ب تێرو تەسەلی هاتە بەحسکرن.
دیسان فورمێ ژانرێن ڤەگێرانێ و چاوانیا خالێن جوداهیێ و وەکهەڤی دناڤبەرا ئەواندا دانە دیارکرن ، ب تایبەت کورتە چیرۆک وکورتیلە چیرۆکێ و دگەل دیارکرنا چەندین نموونەیێن پێدڤی یێن دەقێن کورتە چیرۆک وکورتیلە چیرۆکێ. ل دووماهیێ بابەت هاتە بەر گەنگەشەکرن.
وپەنالیستێن هێژا یێن بەشداربووی ژلایێ زۆر بەرێز پ.د. ابو عبیدة عبداللە ذیاب ڕاگرێ کولیژا زمانان هاتنە خەلاتکرن ب بەلگەنامەیێن سوپاسی وپێزانینێ.