1. Abdullah, R. S., Mustafa, M. R., & Ameen, S. T. (2024). Innovative assessment techniques in TESOL: Evaluating the efficacy of portfolio-based and dynamic assessments for comprehensive language learner evaluation. Russian Law Journal, 12(2).
2. Mustafa, M. R., & Barany, L. K. (2023). Investigating reading strategies used by teachers at the departments of English, universities of Duhok and Nawroz. Academic Journal of Nawroz University, 12(3).
3. Mustafa, M. R., & Haji, J. I. (2023). Large-sized classes in student-centered learning at the University of Duhok, College of Basic Education, Department of English. Babylon Center for Humanities Studies Journal, 13(4).

ئارەزوویێن من یێن ڤەکۆلینێ د ناڤ بیاڤێ TESOL (وانەگۆتنا زمانێ ئینگلیزی بۆ ئەوێن زمانێ وان نە ئینگلیزی) دانە، ب گرنگیپێدانەکا تایبەت لسەر گەشەپێدانا هەر چار شارەزاییێن سەرەکی یێن زمانی: گوهلێبوون، ئاخفتن، خواندن و نڤیسین. د ناڤ ڤی بیاڤێ بەرفرهـ دا، تەرکیزا من یا سەرەکی لسەر خواندن و نڤیسینێ یە، کو بیاڤێ من یێ بسپۆریێ یێ سەرەکی پێکدئینن.

کارێ من یێ ئەکادیمی ب تایبەت گرنگیێ ب تێگەهشتنا خواندنێ (Reading Comprehension) و وان ستراتیژییان ددەت یێن فێربووی بۆ ئاڤاکرنا رامانێ ژ دەقان ب کاردئینن. ئەڤ حەز و ئارەزوویا من زێدەتر گەشە کر د دەمێ خواندنا من یا ماستەرێ دا، کو تێدا نامەیا من ڤەکۆلین لسەر ستراتیژیێن خواندنێ و رۆلێ وان د باشترکرنا شارەزاییێن تێگەهشتنێ یێن فێربوویان دا کربوو. وێ ڤەکۆلینێ هندەک دیتنێن هوور پێشکێش کرن کا چەوا رێبازێن جودا یێن وانەگۆتنێ دشێن پشتەڤانیێ ل فێربوویان بکەن دا کو ببنە خواندەڤانێن کاریگەرتر و سەربەخۆتر.

زێدەباری ڤێ چەندێ، ئەز گرنگیێ ب وانەگۆتنا نڤیسینێ و چەوانیا گەشەپێدانا شارەزاییا نڤیسینا ئەکادیمی ل دەف فێربوویان ددەم. ئارمانجا من ئەوە کو ل وان رێکێن وانەگۆتنێ بگەریێم یێن کو دبنە ئەگەرێ ب هێزکرنا هەڤگرتن (Coherence)، رێکخستن، و هزرکرنا رەخنەیی د نڤیسینا قوتابیان دا. ب گشتی، ڤەکۆلینێن من هەول ددەن پشکداریێ د تێگەهشتنەکا باشتر بۆ پرۆسەیێن فێربوونا زمان بکەن و پراکتیکێن پەروەردەیی د بیاڤێ TESOL دا باشتر بکەن، ب تایبەت د وانەگۆتنا خواندن و نڤیسینێ دا.

ئەز ژ سالا 2022 وەرە وەک مامۆستا کار دکەم، و من چار سالێن ئەزموونا وانەگۆتنێ د بیاڤێ پەروەردە و فێرکرنا زمانێ ئینگلیزی دا هەنە. د سالا من یا ئێکێ دا، من وانەیێن خواندن و نڤیسینێ (Reading and Writing) ب قوتابیێن قۆناغا سێیێ دگۆتن، ب تەرکیزکرن لسەر گەشەپێدانا شارەزاییێن وان یێن بنەمایی و نڤیسینا ئەکادیمی. د سالێن دویڤ دا، من وانەیا TESOL ب قوتابیێن قۆناغا ئێکێ گۆتیە، کو تێدا من چەندین ستراتیژیێن جودا یێن وانەگۆتنێ ب کارئیناینە ژ بۆ پشتەڤانیکردنا وەرگرتنا زمانی (Language Acquisition) و پشکداریکرنا قوتابیان د ناڤ پۆلێ دا.

ب رێکا ڤان رۆلان، من ئەزموونەکا باش د پێشکێشکرنا وانەیان، پشکداریکردنا قوتابیان، و گونجاندنا رێکێن وانەگۆتنێ دگەل پێدڤیێن فێربوویان بدەستخستیە. ڤێ ئەزموونێ شیانێن من ب هێز کرینە بۆ ئاڤاکرنا ژینگەکا فێرکرنێ یا کاریگەر کو تێدا "قوتابی سەنتەر بیت" (Student-centered learning environment).

ئەز د سێ سالێن بۆری دا یێ بەشدار بوویمە د سەرپەرشتیکردنا قوتابیێن بەکالۆریۆسێ دا، د بیاڤێن پەیوەندیدار ب زمان، ئەدەبیات و هونەران دا. ئەڤی رۆلی ئەز یێ شیاندار کریم کو پشکداریێ د گەشەپێدانا ئەکادیمی یا قوتابیان دا بکەم ب رێکا رێ نیشاندانا وان د قۆناغێن جودا یێن ڤەکۆلین و بابەتێن خواندنی (coursework) دا.

تەرکیزا من د سەرپەرشتیکرنێ دا لسەر پشتەڤانیکردنا قوتابیانە د دارشتنا ناڤونیشانێن ڤەکۆلینێ دا، و گەشەپێدانا ئەرگیومێنتێن ئەکادیمی یێن رێکخستی، و باشترکرنا شارەزاییێن وان یێن شرۆڤەکاری و نڤیسینێ. هەروەسا ئەز تێبینی و پێشنیاران (feedback) د هەمی پرۆسەیا ڤەکۆلینێ دا پێشکێش دکەم دا کو هاریکار بم د رێکوپێکرنا هزرێن وان و بلندکرنا کوالیتیا کارێ وان یێ ئەکادیمی.

ب گشتی، ئەزموونا من د سەرپەرشتیکرنێ دا شیانێن من ب هێز کرینە بۆ رێ نیشاندانا قوتابیان ب شێوەیەکێ کاریگەر، و پابەندبوونا من زێدەتر کریە بۆ گەشەپێدانا هزرکرنا رەخنەیی و نایابییا ئەکادیمی د خواندنا بلند دا.

لا توجد سيرة ذاتية