گێرانا سمینارێ

ئاگەهداریا هەوەیێن بەرێز دکەین کو ل کولیژا زمانان دێ سمینارەک هێتەئەنجامدان لدویڤ ئەجندایێن ل خوارێ:

ناڤونیشانێ سمینارێ: كارەكتەرسازی و شێوازێ دەربرینا زمانێ كارەكتەران د رۆمانێن (حسن إبراهیم)یدا ل دویڤ قوتابخانا شێوازناسیا دەربرینێ

پێشکێشکار: رێژین جمیل خلیل

دەم: 10,30

روژ: پێنچ شەمبی 30/5/2024

جهێ ئەنجامدانا سمینارێ: هۆلا سمیناران ل کولیژا زمانان

مەبەستا سمینارێ (Justification):

مه‌به‌ست ژ پێشكێشكرنا ئه‌ڤێ سیمینارێ ژ بۆ دیاركرنا ئەوان دیتن و شروڤەكرنێن نوی و تازە سەبارەت چاوانیا دروستكرنا كارەكتەرێن رومانێ‌ ب رێكا هزر، هەست و سوز و هەلویست و دیتنا كەسایەتیان و رولێ‌ وان دیاردەیان د پروسێسا دەربرینا زمانیدا بۆ دیاركرنا پێگەهێن جڤاكی و ئایدولوژی و پیشە و تەمەن و رەگەز ... و گرنگیدان ب هویركاریێن سالۆخدان و وەسفكرنا وزەیا زمانی و كاریگەری لسەر دەربرینا زمانیا وان و تێكگرێدانا دوو لایەنێن دیارن ڤەگێرانناسی و شێوازناسییە د رۆمانێن (حسن إبراهیم)یدا.

ئارمانج:

ئارمانج ژ پێشكێشكرنا ئه‌ڤێ سمینارێ ئه‌وه، تا كو بۆ ئامادەبووییان دیار بكەین، كا چەوان روماننڤیسێ سەركەفتی دبیاڤێ‌ كارەكتەرسازیێدا دشێت هەست و سوز و هزر و هەلویست و ململانەیا دەروونیا كەسایەتیان ب رێكا شێوازێ‌ دەربرینا زمانێ‌ وان و پێگەهێ‌ جڤاكی یا هەر تاكەكێ‌ بشێوازەكێ‌ كەتواری وێنە بكەت.