گێرانا سمینارێ

ئاگەهداریا هەوەیێن بەرێز دکەین کو ل کولیژا زمانان دێ سمینارەک هێتەئەنجامدان لدویڤ ئەجندایێن ل خوارێ:

ناڤونیشانێ سمینارێ: ئیستاتیكا ده‌می د رۆمانێن(ته‌حسین ناڤشكی)دا

پێشکێشکار: دلدار ابراهیم احمد

دەم: 11.40

روژ: 29/4/2024

جهێ ئەنجامدانا سمینارێ: هۆلا سمیناران ل کولیژا زمانان

مەبەستا سمینارێ (Justification):

مه‌به‌ست ژ پێشكێشكرنا ئه‌ڤێ سیمینارێ ئه‌ڤه‌یه‌ كو ده‌م: هەر ژ كەڤندا مرۆڤی هەڤركی ل گەل دەمی كریە، ژ پێخەمەت رێکخستنا ژیانا خۆ و سەركەڤتن ب سەر كوسپێن ژیانێدا‌، ئەڤجا بەردەوام پەنا بریە بەر ستایشا بۆیەر و سەربورێن بوری بۆ تومارکرنا قارەمانیێن خۆ بۆ هندێ دا ل داهاتی ببیتە پالدەر و هێزەک ژبۆ بەرەڤ پێشڤەچوونێ. بێی گۆمان ڤەگێرانا ڤان بۆیەران سیمایەکێ دەمی ب هەرسێ تێنسێن خۆڤە (بوری، نهو، داهاتی) بخۆڤە دگریت، لەورا دبیاڤێ ئه‌ده‌بیدا و ب تایبه‌ت دبیاڤێ به‌رهه‌مێن ڤه‌گێرانكیدا دەم بوویە بابەتەكێ‌ گرنگ هه‌تا ئه‌وی راده‌ی کو گەلەك زانا و رەخنەگران بۆ دیاریكرنا ته‌كنیكێن ده‌می برێكا رێزكرن و رێكخستنا دەمی د هه‌می بیاڤێن مێژوویی و ئەدەبیدا ڤەكۆلین ل سەر ئەنجامداینه‌ ژ پێخه‌مه‌ت ده‌ستنیشانكرنا بهایێ ئیستاتیكایێ ده‌می. ئەڤجا رۆمان وەکو ژانرەکێ ئەدەبی د بیاڤێ ڤەگێرانێدا، دەم وەکو تەکنیکەک رۆلەکێ سەرەکی د ڤەگێرانێدا دگێریت، لەورا دەمی جهەکێ تایبەت د بیاڤێ نڤێسینا رۆمانێدا گرتیە.

ئارمانج:

ئارمانج ژ پێشكێشكرنا ئه‌ڤێ سمینارێ ئه‌وه، ‌ داكو ئاماده‌بووی ئاشنا ببن ل سه‌ر وێ بوچوونێ كو ل ده‌ڤ هنده‌ك ره‌خنه‌گران ئاستێ ته‌كنیكا هونه‌ریا رومانا كوردی نه‌ ل ئاستێ رۆمانا جیهانی بیت، ئه‌ڤجا ڤه‌كۆلین ل ده‌رباره‌ی ئاستێ رۆمانا كوردی و تایبه‌تی ده‌ڤه‌را به‌هدینان ژلایێ ته‌كنیكا هونه‌ری ب گشتی و ته‌كنیكا ده‌می ب تایبه‌تی وه‌ك پێدڤی بهێته‌ دیتن بۆ لادانا ئه‌ڤێ به‌ربه‌ستێ ئه‌وا دهێته‌ ل پێش چاڤ، له‌ورا پێدڤیه‌ ب رێكا ده‌ستنیشانكرنا ئه‌وان ته‌كنیكێن هونه‌ری و ب تایبه‌ت ته‌كنیكا ده‌می ئه‌وێن دبنه‌ هوكار بۆ دروستبوونا ئیستاتیكایێ د تێكستێ رۆمانێدا كو ب رێكا ده‌ستنیشانكرنا هه‌مان ته‌كنیكا ناڤبری د رۆمانا ده‌ڤه‌را به‌هدیناندا. داكو ئه‌ڤ بۆچوونه‌ بهێنه‌ گوهورین و سه‌نگ و بهایێن ئیستاتیكی رۆمانا كوردی و رۆمانا ده‌ڤه‌را به‌هدینان بهێنه‌ زانین.